第一次去参加呢D聚会就迟到,有D衰.寻日真系黑仔,NB烧左电源,飞左去拱北换左个又飞番番学校,番到学校已经3点几4点,又比宿舍D人拉左落去打波.打波遇着个衰人,超级吾识打但好暴力,将我眼角打伤左,因为寻日落过雨快D仲有D积水,我吾小心用快左D速度成个笪落地笪到摊摊腰.真系够晒黑.不过上天系公平葛,就算几黑都好,咩都会有转机.晚上去左群聚好开心.识左好多新朋友.

      话说我地大家约好6点钟就要系国交西餐部集中,我呢,打完波成身湿等热水都等到6点.用最快葛速度冲完凉着好衫,连头都无搞,咩都来吾切着左件衫就飞出去同家姐一起去国交啦.好彩去到仲赶得切0者.一入去就见到群聚D人,而且仲撞到索K同小花添.好多人吖寻晚国交.坐低左之后大家开始讲笑,安爷同埋安爷旁边果个阿当(吾知系米呢个名)系最搞笑葛,成晚比渠地搞到笑左好多次.呢排心情比较吾好,无咩点笑,今晚真系好开心.

      坐我隔离葛分别系阿晒,同阿蕉伉俪,呵呵,好巧吖,原来阿晒系我以前院葛,呵呵,渠都好好倾吖.而阿蕉就无咩点同我讲,不过体得出渠系打波葛,得闲一起打下先的.而阿蕉葛LP原来同我同我家姐都一样叫差吾多葛名...哈哈,呢个世界真系细.

      跟住就系同我对角线果个兰天同埋渠葛LP.成晚都无咩交流,净系听渠地讲野.不过其实一早就见过渠.因为渠成日同杨肥仔一起打波葛,呵呵.

      JS师妹坐系晒旁边,一入去就认到渠啦,其实高中已经见过好多次,不过个样真系吾同左好多.成晚就挂住同我八挂果个家姐系度八挂.都无理过我.

      大约到8点几左右,就散BAND啦.跟住我同家姐又去JOIN 靓靓外甥女44同埋小花渠地,去左2饭吃西瓜,44就要出国啦.舅父仔都好吾舍得你,不过男人老狗点会比你体得出我吾舍得你吖.哈哈.你都知你舅父仔最强葛就系口不对心葛啦.出国前你一定要话比舅父仔知你想要D咩礼物喔.记得吖44.寻晚都几惊恐,因为我发现家姐个仇敌都系度,吾知家姐点林,不过我一直都好紧张,吾知点甘...不过好彩最后都咩事都无发生.反正呢个端午晚上系好开心葛.哈哈..希望日日都可以甘开心...